Müasir iş dünyasında müəssisələr üçün ən dəyərli tərəf müştərilərdir. Müəssisələrin də əsas məqsədi və ən vacib missiyası müştərilərin istək və ehtiyaclarını təmin etmək, onların şirkətə sadiqliyi üçün ən yaxşı şəraiti yaratmaqdan ibarət olmalıdır. Xüsusilə müxtəlif çeşidli məhsullar və xidmətlər təklif edən şirkətlər müştərilərin davamlı xidmətalma mühitini formalaşdıraraq çətinlikləri aradan qaldırmaq üçün peşəkar həllərdən istifadə etməyi vərdiş halına gətirməyə çalışırlar. Müştərilər isə istəklərində daha inkişaf etmiş və məlumatlı olurlar, həmçinin daha çox seçim istəyir, bir istehlakçı olaraq öz güclərini anlayırlar. Onlar qiymətləri, keyfiyyəti, xidməti və korporativ mədəniyyəti müqayisə etmək üçün KİV-dən istifadə edirlər. Keyfiyyətli xidmət müştəri loyallığını təmin edir. Şirkətinizin keyfiyyətli xidmət göstərmək bacarığı isə ixtisaslı işçilərin mövcudluğundan çox asılıdır. Bacarıqlı və yaxşı təlim keçmiş əməkdaşlar mükəmməl iş nümayiş etdirmək və iş qurmaq üçün digər amillərdən üç qat daha vacibdir.