Biz kimik?

Biz, xidmət sahəsində illərlə qazanılmış zəngin “ASAN xidmət” təcrübəsi ilə ixtisaslaşmış peşəkarlardan ibarət komandamız sayəsində hüquqi və fiziki şəxslərin fəaliyyətinin təkmilləşdirilməsinə dəstək verən ASAN İnnovativ İnkişaf Mərkəziyik. Mərkəzimiz müştəri məmnunluğunun təmin edilməsi istiqamətində yeni yanaşmaların tətbiqi ilə ölkədə xidmət göstərən və xidmət alan arasında olan münasibətlərin keyfiyyətcə yeni mərhələyə keçməsinə xidmət edir və fəaliyyətində peşəkarlığı və keyfiyyəti rəhbər tutur.

Missiyamız

Maarifləndirmə və kadr hazırlığında peşəkar və innovativ yanaşmanı əsas tutaraq, yüksək səriştəli mütəxəssis heyəti tərəfindən tədris olunan və ehtiyaclara tam cavab verən mükəmməl təlim xidmətləri, habelə peşəkar heyət tərəfindən təqdim edilən inkişaf xidmətləri vasitəsilə ölkəmizdə dünya trendinə uyğun dəyişimi təmin edən qabaqcıl tərəfdaşa çevrilmək.

Baxışımız

Müştərilərimizin şəxsi, peşəkar və təşkilati inkişafına vasitəçi olaraq yüksək performans standartlarını inkişaf etdirmək.

Sosial Məsuliyyətimiz

Əhalinin fiziki qüsurlu, maddi çətinlikləri və dövlət qarşısında xüsusi xidmətləri olan hissəsinin maarifləndirilməsi, fərdi bacarıqlarının və peşəkar biliklərinin inkişafı üzrə proqram və layihələrin həyata keçirilməsi.

Niyə biz?

Fiziki qüsurlu, maddi çətinlikləri və ya dövlət qarşısında xüsusi xidmətləri olan əhalinin qayğısına qalaraq onlara yönəlik sosial layihələrin hazırlanması, ölkəmizdə “sözünü demiş” “ASAN” brendinin yolunun davamçısı və xidmət sahəsində ixtisaslaşmış mütəxəssislər tərəfindən “Mükəmməl Vətəndaş / Müştəri xidməti” təcrübəsinin tətbiqi imkanlarına malik olması və müştəri məmnuniyyəti sahəsində öndəgedənlər sırasında nömrə “1” olması

Haqqımızda deyilənlər

İlqar Quliyev

KOB evi - Baş mütəxəssis

Bu günədək onlarla yerli və beynəlxalq təlimlərin iştirakçısı olmuşam. Sizin təlimçiləriniz öz fikirləri ilə insanı daha çox düşünməyə, ətrafında baş verənləri təhlil etməyə vadar edir. İş və şəxsi həyatımızla bağlı fikirlərimizi qismən, bəzən isə kökündən dəyişən fikir sahiblərinizə dərindən təşəkkür edir, işlərinizdə uğurlar, növbəti təlimlərinizdə yenidən iştirakçı olmağı arzu edirəm.

Nərgiz Yusifova

AQTA - Böyük məsləhətçi

Stresli iş rejimində və ya stresli situasiyalarda davranış qaydalarını hər zaman bu şəkildə, səbrli, təmkinli, gözəl anlatdığınız üçün təşəkkürlər.

Jalə Əliyeva

Günay Sığorta - Satış üzrə nümayəndə

Hər şey çox yüksək səviyyədə idi. Təlimçilərin savadı əsasında biz daha dolğun və dəqiq məlumatlar əldə etdik. Səmimi və mehriban insan olduqları üçün onları dinləmək və sözlərindən nəticə çıxarmağın bizim üçün bir uğura yol açacağını düşünürəm. Təşəkkür edirəm və hər zaman böyük nailiyyətlər qazanmağınızı arzulayıram.

Pəri Həsənova

Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzi - Metodist

2 aylıq keçdiyim təlimdən çox razıyam. Yetəri qədər bilik topladım. Gülərüz personaldan çox razı qaldım. Keyfiyyətli dərs ilə bağlı əhval-ruhiyyəm də yüksək olurdu. Yeganə təklifim keyfiyyətli dərs və gülərüz kollektivinizi daha yüksək səviyyədə reklam edin.