Effektiv ünsiyyət komanda işinin, qarşılıqlı münasibətlərin və ortaq məsuliyyətin təməlidir. Bunlar isə uğurlu biznesin/fəaliyyətin əsas səbəblərindəndir. İnsanlar işdə açıq şəkildə ünsiyyət qura bilmədikdə, bu hal real imkanların əldən verilməsinə, qazancın azalmasına və ruh düşkünlüyünə səbəb olur. Ümumiyyətlə, ünsiyyətini sağlam və konstruktiv quran insan həm özü anlaşıla, həm də digərlərini anlaya bilir. Ünsiyyətin məqsədi düşüncələrin, ideyaların və hislərin başqalarının başa düşəcəyi şəkildə ifadə edilməsidir. Latın dilində tərcümədə «communare» sözü “birləşdirmək” və ya “paylaşmaq” deməkdir. Yəni, təsirli ünsiyyət sizin söz ehtiyatınızdan çox, demək istədiklərinizin mənasını paylaşa bilmək qabiliyyətinizdən asılıdır. Beləliklə, həm özünüzə, həm də biznesinizə uğuru təmin etmək üçün ünsiyyət bacarıqalarınızı artırmağınız vacibdir. Komandamız sizin effektiv ünsiyyət üçün vacib olan 4 əsas bacarığı - dinləmək, inandırmaq, sual vermək və geridönüm etmək bacarıqlarını qazanmağınıza və onlardan istifadə üsullarına yiyələnməyinizə vəsilə olacaqdır.
Effektiv ünsiyyət bacarıqları
Təlimdən nə əldə edəcəksiniz?
- Fikirlərinizi aydın və səlis izah edə bilmək
- Ünsiyyət səriştələrini artırmaq
- Ünsiyyət bacarıqlarının zəif olmasından irəli gələn emosional gərginliyi azaltmaq
- Öz fikirlərinizi, nəzər nöqtəsini müdafiə etmək üçün inandırıcı və müxtəlif dəlillər, faktlar vermək
- Öz maraqlarını hər hansı konfliktə girmədən konstruktiv şəkildə müdafiə etmək
- Təşkilat daxilində və xaricində həmkarlar, tərəfdaşlar ilə uzun müddətli münasibətlər qurmaq, işgüzar məsələlərin həllini təmin etmək
- Həmsöhbətinizin sözlərinizə olan reaksiyasını görmək və nəzərə almaq
- Həmsöhbətinizin sizi düzgün anladığını dəqiqləşdirmək və dediklərinizə buna görə düzəliş etmək
- Həmsöhbətin hər hansı məsələ ilə bağlı rəyini anlamaq, onun baxış bucağını başa düşdüyünüzü nümayiş etdirmək, eşitdiyiniz məlumatları tez qavramaq və müzakirə/ ünsiyyət zamanı istifadə etmək üçün diqqətlə dinləmək
- Etirazlarla qarşılaşdıqda qarşı tərəfin neqativ münasibətini aradan qaldıra bilmək və müzakirəni konstruktiv bir istiqamətə yönəltmək
- İşgüzar danışıqların məhsuldarlığını artırmaq
- Aqressiv, passiv, manipulyativ davranış tərzini müəyyən etmək və ona uğurlu şəkildə tab gətirmək
Təlim hansı hallarla bağlı tövsiyə olunur?
- “Çox tez-tez danışıram. Sonra da hiss edirəm ki, qarşımdakı donub qalıb, məni anlamır.”, “Fikirlərimi doğru cümlələrlə izah edə bilmirəm.”, “Rəsmi görüşlərdə və müsahibələr zamanı sözümü deyə bilmədiyimə görə kompleks yaşayıram.”, “Öz fikrimi aydın şəkildə izah edə bilmirəm və ya qarşımdakı insan tərəfindən yanlış anlaşılaram deyə susuram.” , “Uzun-uzadı söhbət aparanları dinləməyə səbrim çatmır.” və s. bu kimi fikirləriniz varsa;
- Ünsiyyət bacarığınızı inkişaf etdirmək, auditoriyaya müraciət edərkən və təqdimatlar zamanı özünə inamlı və rahat bir təəssürat yaratmaq, peşəkar ünsiyyət texnikalarına malik olmaq, öz sözünüzü və fikrinizi eşitdirmək istəyirsinizsə.
Təlimin proqramı:
1. Ünsiyyət nədir və niyə önəmlidir?
2. Niyə ünsiyyət qurmağı bacarmırıq? (Ünsiyyət çətinliklərində psixoloji məqamlar)
- İstədiyimiz kimi ünsiyyət qura bilməyimiz üçün hansı məqamlara diqqət etməliyik?
- Ünsiyyətə qüvvət və xüsusi vurğu gətirən sözlər
- Ünsiyyətdə iştirak edən emosiyaların idarə edilməsi
3. Şifahi ünsiyyət
- Şifahi ünsiyyətin təməl qaydaları
- Dinləmək, sual vermək, faydalı əks əlaqə
- Necə danışaq ki, inandıraq?
4.Qeyri-verbal ünsiyyət
- Bədən dili nədən xəbər verir?
5. Yazılı ünsiyyət
- Özümüz yazarkən diqqət etməli olduğumuz məqamlar
- Cavablama zamanı hansı qaydalara riayət etmək mütləqdir?
Təlimin keçirilmə üsulları:
- Mini-mühazirə
- Diskussiya
- Məşğələlər
- Rol oyunları
- İştirakçılar üçün aktual olan konkret hadisə və vəziyyətlərin müzakirəsi
Təlimin müddəti:
1 gün/6 saat