Zeynallı Asəf Bakı Dövlət Universitetinin Sosial elmlər və Psixologiya fakültəsində, həmçinin Türkiyədə Ankara Universitetinin Kommunikasiya fakültəsində təhsil almışdır. 2013-cü ildən "ASAN xidmət" mərkəzində, 2016-cı ildən 2021-ci ilə qədər isə "ASAN Təlim-Tədris Mərkəzi"ndə təlimçi kimi fəaliyyət göstərmişdir. Azərbaycanda müxtəlif dövlət orqanlarının əməkdaşları, "ASAN xidmət" mərkəzlərində çalışan əməkdaşlar, bununla bərabər özəl sektorda fəaliyyət göstərən təşkilatların əməkdaşları daxil olmaqla təxminən 20 minədək əməkdaşa 1000- dən çox təlim keçmişdir. Keçdiyi təlimlərin əsas mövzuları bunlardır: Keyfiyyətli xidmət və vətəndaş məmnunluğu, İşgüzar davranış qaydaları, İşgüzar yazışmalar, Etik davranış və ünsiyyət bacarıqları, Korrupsiyanı istisna edən davranış, İdarəetmə mədəniyyəti və rəhbərlik üslubları. O, həmçinin Beynəlxalq Əmək Təşkilatının təlimçisidir və Beynəlxalq Fasilitatorlar Assosiasiyası (IAF) ilə əməkdaşlıq edir. Hazırda DOST mərkəzində şöbə müdiri vəzifəsində çalışır.